2014 日本之旅 DAY 1@香港 - 大阪～お邪魔します！

2014年5月3日～星期六 (上午)，香港天氣





經歷過上年坐"落土"航空，遇上過啲唔知係自私，還是係無知嘅同機乘客之後

 

搞到白伽煎對＂落土＂有少少卻步

 

再加上雖然話＂落土＂係廉航，不過舊年張機票其實唔算係＂廉＂

 

响6月哩個稱為＂絕＂嘅月份（5窮6絕7翻身）

 

出發前3個星期訂嘅機票竟然係要$4000 再多少少
乜咁都算係＂廉＂咩？

哩次5月初出發嘅行程，就早到2月底已經計劃訂機票

唔再坐零晨機去黃昏機返，實在頂唔住攞苦黎辛

今次係午機去早機返，行程10日，＂落土＂嘅機票係$27XX（全包）

哩個價錢真係平足全城咁所以結果都係坐返＂落土＂

哩次嘅機票真係平過舊年，都可能係開多左一班白天嘅航班

乘客分散左，所以無咁爆滿，自然就要遲啲先可以因爆滿而加價

白伽煎响網上密切留意＂落土＂嘅機票價錢，去到出發前1個星期

機票先加到$40XX，哩個價錢比起舊年，咁今年嘅先切合為之＂廉航＂


經歷過舊年臨出發前，有個強勁颱風係威係勢咁準備直衝日本關西

上次諗緊係咪要改機票出發日期，嗰陣先知買最＂優惠＂逐項計錢嘅HAPPY

原來係要收取唔算便宜嘅手續費，仲要係逐單程計算哩個手續費

但如果買PLUS就可以免收機票更改手續費



咁所以白伽煎將兩者全費黎計算下，PLUS又只係貴左幾十蚊

咁算啦，預防萬一，就當買個保險，況且距離出發仲有兩個幾月

實在仲有好多變數，哩幾十蚊就無謂慳喇！



除左可以有免手續費更改機票之外，仲有免費劃位，但只限樂享座位

因為早訂機票，所以哩次劃到好前嘅座位，去程係2A，回程係3C



座位坐得前，連啲乘客都自律守規舉啲，至少機上出左指示要乘客熄晒所有電子產品時

附近嘅乘客都相當合作，隨身行李袋都無人死攬住响膝頭上唔放

雖然白伽煎相信後排＂無枉管＂坐廉航嘅＂廉人＂係會繼續好似唔知搭飛機要守規舉

＂廉人＂會繼續做啲唔在意同機乘客安危嘅事



不過眼不見為乾淨，就當哩次同機乘客個個都係有常識嘅＂上等人＂

人人都合作守規舉啦！



 

 ＂落土＂係用2號客運大樓，哩邊無1號客運大樓咁繁忙，裝修又無咁靚，人氣又無咁多

 

 

 

過海關時連排隊等都唔需要，不過就要幾經轉折先去到登機閘口

 

 

 

先要坐無人駕駛列車，返到1號客運大樓，要去北衛星客運廊登機，咁就要上接駁巴士

 

 

 

 

 

接駁巴士大約10分鐘一班車，使用北衛星客運廊嘅航班通常都係＂廉航＂

 

咁即係好多飛強國嘅航班係用哩邊登機，對住啲強國人，大把機會令人發火

 

 

上哩架接駁巴士時，佢地會唔理三七二十一咁死推死撞，務求自己可以迫到上車

 

而當時白伽煎前面係有架BB車，都已經無位再行入啲啦！

 

後面兩位年輕強國小姐用佢地國家嘅無文化生活習慣黎推撞白伽煎

 

哇～即時無名火起啦!

 

 

既然佢唔知咩叫禮貌，咁大家都唔好再講禮貌喇

 

反正再講都只係話香港人唔識包容佢地無禮無修養（下刪500字）

 

白伽煎唯有以其人之道，還自其人之身，跟住就係轉頭怒啤佢地

 

黎到人地地方，尊重人地地方嘅風氣都等如尊重自己呀！

 

 

大部份強國人嘅特徵係無賴，唔認錯，當正自己大晒

 

白伽煎唔係種族歧視，只係態度歧視，修養歧視........

 

 

 

 

 

响機場周圍都見到＂杜MEAN專司＂

 

 

 

舊年坐＂落土＂，當時佢地只有零晨航班飛大阪，之後先設有中午機嘅航班

 

＂落土＂嘅亞媽係＂全日吉＂

 

亞媽就被選為全球最航班準時嘅航空公司之一

 

不過＂落土＂哩個仔就無遺存到亞媽嘅專業態度

 

坐佢兩次，兩次都例遲，仲唔係遲少少嗰隻，至少遲 30分鐘以上先登機

 

响度等了又等又唔見＂落土＂班飛機

 

後來先發現原來係等由大阪飛到香港嘅飛機落晒客

 

機艙快速整理執捨，再上客之後，就會原機飛返大阪

 

只係唔知啲機師同空姐們係咪連續執勤兩班航班

 

香港同大阪嘅飛行時間點都要３個半鐘

 

大阪飛抵香港嘅早機預計係11:45到着，香港飛大阪嘅中午機預計係12:30出發

 

咁就真係邊得唔例遲呢？！

 

 

 

＂廉航＂不設免費餐飲/食嘅服務，又無機上娛樂，要打發哩3個半小時

咁唯有自己準備好　

响北衛星客運廊買書刋免費送蒸餾水，仲有買手信嘅優惠劵

似乎北衛星客運廊哩邊生意難做

 

 

 

兩年來無試過一個人出門其實每次一個人出門上飛機當日都會有啲不安感

 

實在唔知未來幾日，人在異鄉會發生咩事？

 

尤其係飛機已經响跑道上行緊，排緊隊等飛時，落寞嘅心情係最強烈嘅

 

 

不過哩份心情隨住飛機飛左上天之後，自然就會豁出去

 

米已成炊就無謂諗咁多負面野，俾左錢就要好好享受哩個行程

 

 

再加上沿途嘅天氣好到不得了，棉花一樣嘅白雲

 

真係只有坐飛機時先會見到哩個畫面，好快就忘記左不安嘅情緒

 

 

 

3個半小時嘅行程終於飛到關西空港－2號客運大樓

 

乘客落機係要踏上停機坪，由地勤人員帶路咁先去到客運大樓，確實有啲落後

 

 

 

 

因為座位係好前，方便左可以免卻排大隊，所以好快就過左海關，攞埋行李

 

坐接駁巴士返去1號客運大樓轉電車入市區

 

到埗哩日嘅天氣就係咁天朗氣清，都係一個好兆頭

 

 

 

 

17:51已經買埋車票，坐南海電鐵－空港急行

 

既然唔趕時間，連貴啲嘅ラピート都可以慳返唔駛坐

 

 

 

 

第一晚泊宿本町嘅東橫INN　　所以去到天下茶屋就要轉市內電車去本町

 

時間係星期六傍晚六點幾，電車內嘅乘客都少得緊要

 

皆因哩日開始係日本四連休嘅GOODEN WEEK (GW)

 

咁啫係日本到處都人山人海啦！