瞬間看旅程

 

白加煎期待左18個月嘅日本之旅 終於都霉氣回歸左好幾日

今次係帶住一身霉氣上路,都帶住一身霉氣回歸

即係由頭到尾都係諸事不順



所以哩次嘅日本一個人之旅係咁多次以來,最唔投入嘅一次

日元高企,今次係花錢最多嘅一次 錢就俾左,本來期望係感受最高嘅旅行

偏偏世事就係會"事與願遺" 即使準備功夫已經係一擔心機咁籌備......

結果都係非自己所能掌握




恨左好多年想一睹櫻花嘅風采,終於响行程去到尾段

佢都算好俾面白加煎,响大阪見到完全係 "櫻花怒放" 嘅景象







不過對櫻花都係即使一生只有哩一次,白加煎都已經覺得夠晒俾皮

無下次都無所謂喇!




的確佢好靚,不過為左仰慕佢嘅嬌美,白加煎忍受左好多野



忍受左冬去春來,日本極唔穩定嘅天氣,試過熱到出汗,又試過凍到全日處於冰寒狀態

感覺同今年香港嘅農曆新年,只有7度一樣  冰寒冷一日嘅溫度相差好大係預料中事

不過白加煎從無諗過會响日本遇到第一次突發性天災　春の嵐電視機畫面右上角顯示"最大瞬間" 40m/s........風速係每秒40米!!!

和歌山更加錄得41.9 m/s !!!

嵐,即係暴風.....响日本島上,冷空氣遇上溫暖空氣,一撞之下

突如其來嘅嵐就响瞬間形成

日本傳媒形容哩次係"列島大荒れ" 爆彈低氣壓
响爆彈低氣壓發威嘅地區,JR全面停駛,受影响嘅唔單只係新幹線

即使係接駁短程地區嘅JR大部份都停駛

四國嘅行程唯有即時取消.....都話係諸事不順架啦!

唔只要忍受不穩嘅天氣,因為天冷關係,厚衣服唔少得

結果全程17日,基乎係每一日都着住嗰兩件外套厚風褸+fleece

白加煎睇住件風褸出現黑漬

對於患有潔僻嘅白加煎,日日都仲要着住件污糟衫

可想而知會有幾難受



衫厚就會影响行動上唔靈活,日日都攞住一堆旅行資料响途中睇

手袜係必用之物,傻瓜機就細細部經常要攞出攞入,其實係相當"論盡"

情況係顧到哩樣就顧唔到嗰樣.....所以哩次係一個並唔享受嘅旅行

仲有d貼錢買難受嘅感覺



3月係日本學校畢業嘅日子,假期後嘅4月係新學年

所以3月底响日本旅行唔單只有賞櫻嘅外地人

仲有好多日本人國內旅行,白加煎好怕人多嘅地方,所以哩個月份並唔係一個訪日嘅好時間





負面野講左一大堆,詳情就容後再寫

整體上雖然唔係完全咁享受,不過行程中間中都有開心/驚喜嘅回憶


去片~


哩件係非一般壽司

哩幢怪樓係咩呢?

宮島嘅大鳥居




境港-鬼太郎町(白加煎嘅卡通人物新寵兒 目玉オヤジ)





妖怪版嘅白加煎妖氣比唔比得上隔離哩隻傘化け

日本嘅沙漠鳥取沙丘





舊地重遊嘅倉敷

日本仲有唔少地方保留江戶時代嘅特色,倉敷都係其中一個

哩次白加煎發覺倉敷嘅夜景係相當迷人

咁西洋化嘅建築物都係倉敷一景

 

 

 

下面嘅大魚子到底有咩咁特別呢?稍後開估

 

 

行程尾聲,大阪城公園已經係櫻花綻放,不過無櫻嘅地方景色一d都唔輸蝕

其實任何季節都有佢迷人之處,在乎有無哩份閒情黎發掘佢






京都嘅溫度比大阪低,櫻花都比大阪遲開

影哩張相時,其實响京都嘅櫻花開花量仲未到50%

所以唔及大阪咁壯觀,只係白川哩個角落嘅櫻比較早熟













哩次旅行雖然比預期中失望,但係白加煎依然係同意"讀萬卷書不如行萬里路"

白加煎從來都支持實際嘅野,多過紙上談兵哩d咁無實力嘅野



唔該~癈話少講,show實力出黎啦!



雖然錢係花左而又得唔到預期嘅享受,不過如果再揀

白加煎都會照樣出發,有d事唔做過就唔會心息

做過後,明白左係咪咁適合自己,當得到一d經驗

就可以為下一次,為未來嘅更多次而做出更啱嘅決定

人生與其要後悔過去嘅失誤,倒不如將哩份追悔嘅心情變為正能量,為未來舖路



況且哩次旅行中嘅"嵐",仲有諸事嘅阻滯,令到白加煎對突發事情嘅應變能力高左

哩d已經係讀萬卷書都唔會學得到嘅經驗

 

 ~  續待　つつく ~