係講左將要(暫時)封左哩度
不過今日留响公司食飯時,唔係煲日劇,而係煲新聞
有d野睇完真係不吐不快,不罵非人
日本地震,旅遊界,航空界首當甚衝,預左香港嘅企業係"陰奸式經營"
以寸爆出名嘅土產航空公司就乘機發災難財
單程由日本返香港嘅機票,原先可以叫價$16000,佢地擺明係去搶
買左佢地去日本嘅機票就不獲退款,只可延期或者更改目的地
各旅行社為自己個人利益着想,拒絕取消/更改出發去日本嘅旅行團
實行你自己驚就唔好去,不過錢就唔會退返俾你,總之佢地就袋袋平安
我甚至相信即使日本嘅良心企業航空公司肯退返哩d賣左俾旅行社嘅團體機票
香港哩d無良企業,一樣係會側側膊,瞞得一陣得一陣,收晒兩家茶禮
既收到航空公司肯回購團體機票,但又繼續唔退錢俾客人
佢地肯俾客人改日子,轉旅行團,已經係最仁慈,最偉大嘅讓步
我預左香港係有好多哩d"陰奸企業",不過再陰險,再奸商都唔及以下哩為人兄
佢直頭當全香港人係"白加煎"(死蠢人),以為香港人個個都係"朱炳"
佢直頭當全香港人係"白加煎"(死蠢人),以為香港人個個都係"朱炳"
其實佢真名係毛廉始
如欲收看毛廉始先生之謬論,請click以下網址~
其實哩位毛先生都無講大話
因為日本地震後仲咁開心去佢公司報團去日本嘅人
全部都係佢d家屬+下屬=闔家富貴(人),成班都係嚴重精神病患者
所以任何時候都咁情緒高漲,咁開心囉!
不過如果毛先生d家屬+下屬=闔家富貴(人)都係精神正常嘅人
咁就係毛先生為左自己嘅"陰奸生意"而歪曲事實,仲企圖誤導他人相信
(好心佢肺 up都唔好up得咁離譜啦!)
經過哩一次嘅事,日後自由行出機票,買package時
無謂為左平嗰$200-$300而幫襯哩d搭上搭嘅旅行社買機票,完全係無保障
航空公司用行家價賣平價機票俾佢地
佢地用哩d平機票黎出團,順便賣埋俾自由行嘅人
不過package價錢又只係平航空公司自己出嘅package少少
其實哩d"陰奸旅行社"嘅利錢真係唔少
不過到有事發生時
佢地既拒絕取消行程,更加唔會賠錢俾經佢地出package嘅自由行人仕
咁經此一役,日後要幫襯一d良心企業喇!
沒有留言:
張貼留言