2014(秋季)單人匹馬闖日本之旅 DAY 6@江之島 - 中了(曰)劇毒

2014年10月9日～星期四，江之島天氣: 晴

因為愛上日劇：流星，所以愛上江之島

劇中，竹野內豐係水族館嘅職員

上戶彩係被迫為哥哥還債嘅風月場所按摩員

黎到水族館當然係用日劇朝聖嘅心態

入場費2100日元，出示小田急1日PASS可以有9折

　去年係水族館１０週年紀念

哩次係白伽煎第二次响日本參觀水族館

第一次係响和歌山白濱，郊區嘅水族館同城市嘅水族館

規模係不可以作比較

不過哩度麻雀雖少，但都五臟俱全

完全唔馬虎嘅海豚表現，但係場地細，實在有好多限制

近年來對於被困在水族館嘅海豚

白伽煎真係相當有惻隱之心，智慧高對人類又友善嘅動物

為咩要俾人捉拿，無晒應得嘅自由？

仲要好似人類一樣，要以出賣勞力來討吃？

大魚缸內面有無數品種嘅魚類＋海洋生物

响日劇流星入面，竹野內豐係水母飼養員，而上戶彩就係好鐘意睇水母

結果兩個人因此而結緣

大概全個水族館入面，最幸福嘅就係哩啲水母

因為佢地係無腦袋，所以唔會有任何情緒／感覺

品種之多，真係令人大開眼界，有啲真係好靚

江之島係屬於湘南地區，哩區有好出名嘅魚產シラス

中文名稱：魩仔魚，大概就係白飯魚

响湘南哩區好多日本料理店都有用シラス做食材

白伽煎本來都想黎一試，但係揾唔到活食シラス，所以最後都無食到

水族館望出去嘅風景都一絕

相片中嘅燈塔都係一個出名嘅景點

哩日嘅時間確實唔足夠，咁唯有等再有機會先再參觀

如果有機會再停東京的話，白伽煎會想再黎哩個江之島

實在係好有渡假＋現代感嘅FEEL

坐18:30嘅電車返東京，車程要一個多小時

哩晚返到東京後就係趕住去新宿買野，晚餐都唔得閒去食

一踏入人多車多嘅東京，即刻感受到嗰份都市嘅壓力

實在無法愛上東京！