2014年10月5日～星期日，青森天氣（暴風雨前夕份外晴）
食完早飯返到酒店本來想黎個味增湯
哇，排大隊喎，仲要等位，咪搞～返房好過
返到酒店睇到天氣預報就係咁樣，颱風已經殺到本洲中部，唉～
哩日青森天氣會由晴天轉為陰天
睇見哩個週間天氣預報就眼都冤，睇黎翌日都係落雨
之但係翌日。。。
。。。。係要去奧入瀨溪流影相喎，咁點算好呀？
早唔落，遲唔落，係要揀哩日黎落，係咪連個天都唔鐘意我啫？！
都話左哩個行程諸事不順架啦！
哩個時間白伽煎只能响心裡祈禱，希望個颱風行慢幾步
等白伽煎去完溪流先黎啦，唔該～
哩日開始行程第一站，第一個景點
目的地係弘前
弘前車站內有個咁巨大嘅蘋果，哩日就係去蘋果公園
坐巴士去弘前公園有兩個方法：
（１）响４號巴士站坐一日只有４班巴士嘅ためのぶ號，坐到尾站，車程大約40分鐘
另一個方法係响６號巴士站坐普通巴士，中途站落車
車費貴啲，但車程短啲，大約２０分鐘就到站
哩日行程本來由可以慢條司理而變為好緊湊，所以要把握分秒
咁當然係坐普通巴士，中途站落車啦
食完早飯返到酒店本來想黎個味增湯
哇，排大隊喎，仲要等位，咪搞～返房好過
返到酒店睇到天氣預報就係咁樣，颱風已經殺到本洲中部，唉～
哩日青森天氣會由晴天轉為陰天
睇見哩個週間天氣預報就眼都冤，睇黎翌日都係落雨
之但係翌日。。。
。。。。係要去奧入瀨溪流影相喎，咁點算好呀？
早唔落，遲唔落，係要揀哩日黎落，係咪連個天都唔鐘意我啫？！
都話左哩個行程諸事不順架啦！
哩個時間白伽煎只能响心裡祈禱，希望個颱風行慢幾步
等白伽煎去完溪流先黎啦，唔該～
哩日開始行程第一站，第一個景點
目的地係弘前
弘前車站內有個咁巨大嘅蘋果，哩日就係去蘋果公園
坐巴士去弘前公園有兩個方法：
（１）响４號巴士站坐一日只有４班巴士嘅ためのぶ號，坐到尾站，車程大約40分鐘
另一個方法係响６號巴士站坐普通巴士，中途站落車
車費貴啲，但車程短啲，大約２０分鐘就到站
哩日行程本來由可以慢條司理而變為好緊湊，所以要把握分秒
咁當然係坐普通巴士，中途站落車啦
响哩個常盤坂入口落車，再行７分鐘左右
弘前嘅水渠蓋都係蘋果
哩個季節除左係蘋果當道之外，仲有相片中哩個植物
哩張相有啲＂鬼太郎＂ＦＥＥＬ喎
知道佢係咩嘛？
就係栗子
除左栗子，蘋果之外，仲有提子，哩個唔知係咪巨峰提子
但哩個時期確實係巨峰提子當造嘅時期
都仲未到蘋果公園，已經見到有蘋果樹
無圍欄，無看更，偷摘幾個都應該唔會有人知
不過見到棵樹仲有咁多蘋果，就明白大和人係一個自律＋守規舉嘅民族
終於黎到公園入口咋～
公園嘅地圖
公園係無料，唔收入場費，賣蘋果當然就係其中嘅收入
哩度都有摘蘋果哩個玩意，任摘仲可以帶走
想摘蘋果要先去報名，之後有專人解釋帶路，需時大約２０分鐘
每1 kg係200日元，本來白伽煎都諗住摘一個玩下
但當見到啲人都係咁樣左一袋，右一袋咁帶走
白伽煎即刻打消哩個＂摘一個蘋果＂嘅念頭，其實白伽煎對於蘋果嘅興趣係無乜
但難得夾啱季節黎到，唔食過最出名嘅＂青森蘋果＂又真係有啲可惜
想食～咁點好呢？
手信店入面有販賣手信，酒啦，果汁啦～
當然唔少得新鮮蘋果啦，仲有得試食嫁喎
園入面有不同品種，其中有紅色嘅ふじ，即係聞名海外識嘅富士蘋果
仲有青／黃色皮嘅おうりん
試食完之後先發現青色嘅おうりん比紅色嘅富士蘋果甜
富士蘋果反而帶點酸味
其實地道青森蘋果係咪咁好味呢？白伽煎就覺得一般啦！
响香港食到嘅祖國產富士蘋果都一樣係好甜
可能係白伽煎唔係蘋果粉絲，所以唔識得用心去了解＋欣賞哩啲原產地嘅品種
園內有個小山岳，行上長長嘅樓梯之後就去到展望台
有個退休老伯响展望台做義工導遊咁，不停撩人講野
連白伽煎哩啲只能操低級日語嘅人佢都唔放過
老伯話：哩個山被當地人稱為青森富士山，原名係すり鉢山
Ａ貨富士山响日本真係有唔少，仲記得以前响鳥取都有一個
各區嘅大和人都希望自己嘅地方可以有一個＂疑似富士山＂
即使只係Ａ貨都沾沾自喜
看～暴風雨前夕係相當風和日麗
混種迷李蘋果，哩個响香港都可以買到，不過口感係＂粉＂
原來係日美混血兒，MIX唔一定係好野
相當鐘意哩張相
園內仲有哩間１８６３年興建嘅屋
哩度嘅手信店都相當大，入面嘅手信當然以蘋果為主
白伽煎對哩啲好睇唔多好食嘅手信就興趣不大，行程仲有漫長旅程又懶得咁早就抬
所以最後都只係買左少少野
蘋果咖喱粉，蘋果紅茶
乾紅蘋果脆片
食後評語：只係一般，唔見得好吸引，蘋果茶甚至係有啲失望添！
沒有留言:
張貼留言